朱古力的科學 – 創意教育組

小明今年升讀中六,要開始全力衝刺DSE。開學約一個月,已經忙得喘不過氣來,雙眼已變成熊貓眼。

有一日,黃老師在走廊不小心踫撞到心不在焉的小明,由於黃老師的身型是小明的兩倍,除了把小明撞倒在地上外,連帶他身上的所有物件都撞飛了。小明的東西散落一地,地上佈滿著不同牌子的朱古力,林林總總,應有盡有。

黃老師見狀問道:「你買埋咁多嘅朱古力做咩?上堂唔俾食野架喎!」小明慌張地解釋道:「唔係呀老師……我…..唔係上堂食架…..我響lunch 或者放學去補習時先拎出嚟食架。」

黃老師繼續問:「你食咁多朱古力好易蛀牙架喎,你咁鍾意食架咩?」小明繼續解釋:「其實唔係真係咁鍾意食架咋,但係人哋話朱古力可以減壓嘛,一開咗學就有好多書要溫,又驚考得唔好,覺得壓力好大呀!」

明白了背後原因後,黃老師便語重心長地跟小明說:「朱古力嘅成分雖然係有色胺酸(Tryptophan),有助大腦合成血清素(Serotonin)。當人體內嘅血清素充足,就可以穩定情緒。但係,目前到底要食幾多朱古力,先可以製造足夠嘅血清素俾我哋身體去用,都仲未係好確定架。而且,朱古力嘅脂肪同熱量都幾高,如果依靠佢黎減壓可能會好易肥架。」

小明:「吓,乜係咁架咩?但有D網站講到朱古力好多benefit 架喎!」

黃老師:「係嘅,朱古力嘅主要成分可可,含有多酚(polyphenol),有抗氧化嘅能力,可以預防cancer、腦退化症等疾病。但係,都係唔可以攝取過量,唔係就可能會有其他問題出現架啦。」

小明及後露出恍然大悟的樣子。

因此,如果想減壓,建議大家除了坐定定溫書外,亦要多做運動,以促進血液循環,保持身體健康。

 

資料來源:
https://curiosity.com/memes/the-science-of-chocolate/#five-sweet-facts-about-the-chemistry-of-chocolate-bytesize-science-bytesize-science