古代人化妝要靚唔要命? – 創意教育組

化妝品💄其實早在古埃及時代已經出現, 當時嘅埃及人會運用方鉛礦 (Galena) 當眼線筆使用;而在古羅馬時代,貴婦💃🏻亦會用鉛粉 (Ceruse) 和朱砂 (Cinnabar) 分別當作粉底和胭脂使用,佢地認為白色嘅臉加上紅卜卜嘅胭脂能夠代表優閒的社會地位☺️。

 

不過,佢地嘅美麗背後並唔係大家想像嘅咁「優閒」💅🏻!方鉛礦 (Galena) 其實係鉛 (Lead) 同硫 (Sulphur) 嘅化合物, 化學式為PbS;而朱砂 (Cinnabar) 係汞 (Mercury) 嘅礦石。係化學世界入面鉛同汞都係對人體有害⚠️, 使用過量含有呢啲化合物嘅化妝品輕則發炎重則致命㗎!