平時大家都覺得鯊魚好兇猛🦈，而海豚係人類嘅好朋友🐬，如果鯊魚同海豚係海洋入面相遇🌊，海豚一定會比鯊魚咬乾淨骨都冇得留呀…… 但原來事實上鯊魚係海洋入面見到海豚，佢地係會掉頭走…
鯊魚同海豚外型最唔一樣嘅地方，莫過於佢地嘅尾鰭。鯊魚嘅尾鰭打直，方便佢地向前游但限制左佢地唔能夠任意上下移動，海洋入面大部分嘅魚都擁有打直嘅尾鰭。相反，海豚嘅尾鰭係打橫嘅，相比起鯊魚，海豚可以好快咁轉換方向，無論係上下左右定前後都比鯊魚快，自然就可以避過鯊魚嘅攻擊，甚至轉過黎攻擊鯊魚⚔️。
可能你會問海豚邊有能力攻擊鯊魚呀？海豚嘅鼻係由好厚好硬嘅骨頭🦴組成，係遇上鯊魚嘅時候，海豚會游到鯊魚嘅旁邊或者下面，攻擊鯊魚最軟弱嘅下腹同腮，因為鯊魚呢啲部位欠缺保護，海豚一下嘅攻擊有可能導致鯊魚嘅嚴重內傷🩸！
鯊魚輸比海豚嘅另一個原因，同佢地嘅習性有好大嘅關係。鯊魚係單獨行動嘅動物🦈，而海豚係群聚性動物🐬🐬🐬，連係水入面游黎游去都一定唔會一個人行動，啱啱提到一隻海豚已經有足夠嘅力氣打到鯊魚內傷，一群海豚，鯊魚又點會夠膽過去👋🏻？
明明鯊魚係海洋都可以殺所有海底動物🐠一個措手不及！鯊魚係海洋被稱為「寧靜殺手」，佢地游嘅時候猶豫無聲，所以可以殺其他動物一個殺手不及。但由於海豚天生有迴聲定位，靠音波🔊已經可以知道鯊魚大概係邊個位置黎緊，係鯊魚未黎到之前，應該已經可以聚集成個海豚群準備攻擊仲未知道前方有海豚嘅鯊魚喇！
海豚的確聰明又溫順，但原來佢地面對海底最強嘅殺手鯊魚竟然有另一面🗡！你知道之後，又有冇對海豚改觀呢？
–
