點解食完蕃薯會容易放屁? – 創意教育組

蕃薯 🍠可以話係近年熱捧嘅減肥恩物,不過大家有冇發現每次食完蕃薯之後都會肚脹脹,而且仲會好多屁放💨?

原來蕃薯入面含有一種名為棉子糖(Raffinose)嘅物質,只有α -半乳糖激酶(α-GAL)先可以將棉子糖水解為蔗糖同半乳糖。由於人類消化系統並沒有依種酶,當棉子糖進入腸道消化時,腸道入面嘅細菌🦠會將佢地酵解(Fermentation)而產生腸胃氣、二氧化碳等,亦即係期後排出嘅「屁」喇!

其實除咗蕃薯之外,豆類都含有豐富嘅棉子糖,容易造成腸氣。其實放屁係好正常同健康嘅事,不過如果對大家嘅生活造成尷尬,食之前都係要諗一諗喇!😋