#Chemistry │寫揮春嘅墨同墨魚完全無關？
臨近新年，大家又係時候拎返啲紙筆墨硯出嚟，同屋企人一齊寫揮春。你有冇諗過「墨」係點嚟？千其唔好誤會，中國書法用嘅墨，同墨魚一啲關係都冇！到底墨從何來？快啲去我哋網頁了解更多啦！
根據考古紀錄，公元前14世紀嘅中國已經有用墨嘅痕跡。去到唐、宋代，有更多文獻介紹造墨方法。墨其中一個原料係「碳煙」，喺不完全燃燒下，碳氫化合物轉化會轉黑色粉末「碳煙」。
古代其中一個提取碳煙嘅方法就係叫「燒松取煙法」：將松木點燃後，將煙霧導入窟或竹棚中。煙灰會喺內壁沉積，刮落嚟就係「碳黑」原身啦！將碳煙同油脂混合，經過搓揉拍打，再擺放喺模具內壓實，陰乾數月後就成為墨條啦！
但留意返我哋一般市面買到嘅墨，大多數都係用顏料、樹脂及添加劑製成，而並非傳統嘅天然原料！
