點解食甜品會有第二個胃？

#Biology │點解食甜品會有第二個胃？

明明啱啱先食飽飯，覺得已經飽到上心口，但當甜品一上枱，竟然又可以塞多幾口？依種現象被大家稱為「甜品胃」或者「第二個胃」。究竟係唔係我哋身體真係生多咗一個胃？定係背後有其他科學原因？一齊來解開依個有趣謎團！

甜品胃其實是心理作用？

首先，我們身體當然冇可能有第二個胃存在啦！依個「甜品胃」其實是一種心理及生理結合嘅現象，學名叫做「感官特異性飽足」（Sensory-Specific Satiety）。當我哋食咗一餐豐富主餐後，對於當時食物嘅種類同味道會產生飽足感，甚至覺得「再吃嘅話我個胃撐爆」。但當不同味道嘅食物（例如甜品）出現時，味蕾會重新被「喚醒」，讓我哋感覺自己仲有空間去享受新嘅食物。

Dr. Barbara Rolls喺80年代就「食物種類及進食份量」嘅實驗中，參與者如果每道菜都有不同味道，佢咃卡路里攝入比食同樣款式食物嘅參與者高出60%！研究指出，唔同味道嘅食物會令味蕾的興奮程度會再次提高。多樣性能讓大腦保持興趣，延長我哋進食時間。

胰島素的作用：甜品為什麼讓人欲罷不能？

除咗味蕾俾刺激之外，甜品嘅其中一個重點角色就係糖分，而糖分喺「甜品胃」呢個現象入面扮演咗好重要嘅角色！當我哋食甜品嘅時候，糖分會好快吸收到血液入面，然後刺激胰臟分泌胰島素。胰島素主要嘅功能係幫助血糖進入細胞，提供能量，但佢仲會令你短暫覺得「精神一振」，好似仲有位可以再食多啲甜品咁！

所以，下次你覺得自己好似有「第二個胃」嘅時候，記住呢個係你大腦俾你嘅「錯覺」啫，唔代表你真係可以無限制咁食甜品！始終胃嘅容量係有限嘅，食太多可能會消化唔到，甚至影響健康㗎！適量享受甜品先係最啱嘅！