虎紋 – 創意教育組

#虎視STEMSTEM

老虎嘅毛皮有橙色🟠、白色⚪同黑色⚫嘅條紋就好多人都知。但係知唔知佢地點解會有條紋呢?原來同老虎居住嘅生態環境好有關係!🏞

老虎🐯係獨行嘅頂級狩獵者,唔同群居嘅獅子🦁;喺冇同伴幫手下,獨自狩獵好依靠體能同技巧,所以老虎有非常強壯嘅四肢,善長短跑、跳躍同撲倒獵物。不過,短跑同飛撲都需要接近獵物先可以增加成功率✔️;因此,點樣可以更加接近獵物就成為關鍵喇。

作為叢林之王,老虎主要喺叢林之中生活同覓食。老虎身上嘅條紋就係類似「偽裝型保護色」嘅原理,令佢哋可以隱身於叢林中嘅樹同灌木之間🌳,靜靜咁…慢慢咁…接近獵物…🤫

等陣先!喺綠色嘅叢林入面,橙黑條紋咁明顯,點樣保護色法呀?🤨

其實真係保護到㗎!因為老虎嘅主要獵物係鹿🦌、牛🐃同野豬🐗,呢幾種動物以人類類比,全部都係「色盲」嘅!即係唔可以分辨色彩🌈,只能夠分辨明暗,所以喺佢哋眼中,老虎身上嘅橙色同綠色根本上係冇分別,同樣都只係會睇到灰色!

咁…白老虎又點算?

Sorry喇…因為缺少咗橙色 (灰色),黑白對比非常明顯🔲,令到保護色失效,無法匿蹤,結果獵食成功率大減↘️。所以野生白老虎嘅數目唔多,係非常罕有㗎!

#STEM

#Science

#Technology

#Engineering

#Mathematics