#AtmosphericPhysics │一舊雲有幾重？
飄喺天空上面嘅雲睇落輕盈柔軟，但有冇諗過其實有驚人嘅重量！但當然雲就就唔係用個磅去磅啦。科學家通過計算，估算喺藍天嘅白色雲朵，平均重500,000公斤，相當於30架雙層巴士嘅重量！
到底點計出嚟呢？首先要知道雲係由大氣中嘅水蒸氣遇到冷空氣所凝結成嘅水滴或者冰晶所聚合而成，而雲嘅重量可以透過計算水滴的密度和雲的體積所測量。研究結果估計雲入面嘅水滴密度係每立方米 0.5克左右，可以想像係一粒彈珠嘅大小。一舊雲大概長1,000米(1公里)，而雲嘅長、寬、高相約，體積就係1,000,000立方米(1立方公里)。所以將水滴密度乘以體積（0.5 x 1,000,000），我哋就可以估算雲嘅重量平均係500,000公斤啦！
500,000公斤，大概就係100隻非洲象，或者30架雙層巴士！如果塌落嚟會唔會砸死人架？咁又唔洗太擔心，因為雲嘅重量喺分散喺一個巨大嘅空間，而雲實際上比乾燥空氣仲要稀薄，所以雲朵可以保持喺天空上漂浮啦！
#STEM#Science#Technology#Engineering#Mathematics
