#Sustainability │「醜食」同樣有「營」！
兩隻腳嘅紅蘿蔔、心型薯仔、「中咗輻射」嘅芋頭……依啲「醜樣」，即係唔符合市場規格嘅農產品統稱「醜食」(Ugly food)。雖然外觀「醜」，但營養口感同一般蔬果一樣㗎！
揀蔬果過程猶如選美？
但點解我哋平時又好少見到「醜食」？農產品喺放上貨架前會經過一輪輪猶如「選美」嘅過程：農場、批發商會經過仔細嘅篩選，喺上架前超市／街市又篩走喺運送過程中受損嘅蔬果。就算係顧客，都會千挑萬選一個「合眼緣」嘅蔬果。外觀唔吸引、唔夠亮麗嘅蔬果往往會被丟棄。根據聯合國的統計，全球約有高達28%的農產品被浪費！
「醜食運動」減少碳排放
近年越來越多人開始關注糧食浪費問題，與醜食運動。透過這個運動，人們開始重新認識食物，重新思考消費觀念，並對食物的價值有了更深的體會。
「食德好」定期回收街市的醜食，並轉贈至基層市民。亦有公司為醜食「化妝」，搖身一變升級再造。例如香港初創企業FurryGreen將醜食製作成惜食寵物鮮食包；而台灣「醜蔬果大翻身」製作成手工果醬並舉辦工作坊，享受食物之餘亦親身「改造」珍貴嘅糧食！
「醜食」的第二生命
另外，醜食嘅可塑性更超越食材！「野菜蠟筆」由日本設計公司「水色有限公司」木村尚子設計，佢將醜食磨成粉並加入米糠油，製成全天然的蠟筆。小朋友創作同時都聞到不同蔬果嘅天然香味，就算唔小心放入口都唔洗驚！
除咗醜食之外，過時的農產品同樣值得我哋關注。例如中秋節時，我們都喜歡食沙田柚或楊桃應節。當過了中秋節後，這些水果就比較少人買，很多時最後都會因此被丟棄，非常浪費。所以現在有很多組織都會以比較便宜的價格出售格外品以避免浪費農產品。
喺物質豐盛的香港，其實除咗唔應該「以貌取菜」之外，都需要思考其他產品嘅壽命同生產量，例如：包裝食品及護膚品等。咁樣先能夠符合17項可持續發展中嘅第12項「責任消費與生產」！
#STEM#Science#Technology#Engineering#Mathematics #UglyFoodMovement #SustainableEating #FoodWaste #FoodUpcycling #FoodInnovation #Environment #ReduceCarbonFootprint #ResponsibleConsumption
