第一集講完遠古恐龍，第二集同大家講套新戲，就係今年新上映嘅《光年正傳》！👨🚀
劇透警告⚠巴斯為測試燃料，需要親自駕駛太空船繞過大陽後返回星球☀。最初，巴斯被告知，如果燃料成功到達「超高速(光速)」，依趟旅程只須4分鐘。而第一次測試只能去到 70%超高速，同時，巴斯返到星球上，時間已經過咗四年…巴斯一直嘗試，到最後成功達到「超高速」，返到星球竟然已經一口氣跨越咗22年👴！戲入面解釋，係因為「時間膨脹」，所以當巴斯飛得越快，星球上嘅時間就過咗越耐。真係會咁？
1. 喺愛因斯坦嘅《相對論》入面，的確有「時間膨脹」現象。
當兩個物件以不同速度運動，速度差會產生「時間膨脹」。雖然雙方各自對時間嘅感覺冇變，但速度較快嘅一方時間會相對地流動得慢咗，因為佢身處嘅時間「膨脹」咗。
2. 時間膨脹嘅程度可以去到邊？
當快速運動嘅一方速度越高，時間膨脹程度就會越勁，當到達光速時，甚至會令時間靜止⏸！換句說話，以光速穿越去宇宙任何一處，體感時間都只係一剎那！
了解完時間膨脹，我哋講返巴斯。實際情況應該係：當巴斯只係以70%超高速測試，巴斯感覺飛咗4分鐘，星球上經過4年；當巴斯達到超高速，巴斯感覺飛咗1秒，星球上經過4分鐘。除非巴斯用光速飛咗22光年距離，否則星球上嘅時間唔會過咗22年。🙅♂️
#Science
#Technology
#Engineering
#Mathematics
