什麼植物生長速度最快？

#Biology │什麼植物生長速度最快？

根據調查，香港人高度喺亞洲排行第三：男女士平均為175cm及160cm。但原來有種植物一日就可以「長高」接近1米，完全成長後仲可以去到35至40米高！究竟係咩植物咁包閉？

答案就係：竹！根據健力士世界紀錄，竹係生長最快嘅植物！某品種嘅竹每日亦可以生長91cm！咁係因為竹嘅莖係由好多節構成，各個節間基部存有可分裂生長嘅居間分生組織。當其他植物只能靠頂端分生組織「長高」時，竹的每一節卻可以同時生長！