眼淚由淚腺負責製造，喺人體必需品，主要分為三種情况。第一種喺基礎眼淚，用嚟滋潤眼球，可以將氧氣同養分供應比眼睛，基本成分包括油、水、鈉、鉀、葡萄糖、抗體、殺菌酵素等。第二種喺反射眼淚，當眼睛受到洋葱或沙塵入眼等外界刺激，感覺神經會發出保護眼睛嘅信息，刺激淚腺分泌淚液保護眼睛，沖走化學物質，成分以水為主。第三種喺情感眼淚，當大腦知道你有強烈情緒反應，內分泌系統會釋出荷爾蒙去淚腺分泌出眼淚，化學成分相對較多，含有多種蛋白質、荷爾蒙同激素。有實驗發現，情感眼淚含有神經傳導物質腦內啡，具止痛效果同歡欣快感，所以有科學家推斷呢個喺哭泣後感覺好啲嘅原因之一。
