面對新型冠狀病毒肆虐，市民防疫同衛生意識都加強咗，好多朋友除左出街戴口罩之餘，仲會用酒精消吓毒，但係咪酒精濃度越高就越有效殺菌呢？
首先要知道酒精如何殺菌：第一，消毒酒精（乙醇）係一種有機溶劑，可以直接溶解細胞膜，咁細菌就好似穿左好多洞，破壞左細菌嘅完整性。其二，酒精令細胞內嘅蛋白質包括酵素變性，咁細菌就做唔到代謝作用而導致死亡。
世界衞生組織建議使用酒精濃度界於75-85%嘅搓手液清潔雙手，濃度太高會適得其反。高濃度酒精（95％酒精）會將細菌表面嘅蛋白質迅速凝固，同時酒精亦唔會進入細菌。細菌喺依個情況只會處於不活躍狀態，而細菌喺適當嘅環境係會重新活躍。然而75%的酒精，可以兼具蛋白質凝固及穿透效果，達到徹底殺菌嘅功能。所以大家喺選購酒精搓手液都要留意下產品嘅酒精濃度係咪符合規格啦！
創新科學中心
https://ccst.hkfyg.org.hk/
創意科藝工程計劃
https://lead.hkfyg.org.hk/
