好多人成日都搞亂細菌同病毒，其實佢哋大有不同！
尺寸上，細菌一般為1000-4000nm，而病毒一般為20-200nm，例如沙士病毒嘅直徑尺寸大概係100nm，一般光學顯微鏡係睇唔到咁細嘅沙士病毒架！
喺存活能力方面，細菌係可以自行存活，更會於合適環境中自行繁殖，但係病毒係必須依靠「宿主」存活並繁殖。
而傳播方式上，細菌可於不同環境中存活，例如未經煮熟嘅肉類或有沙門氏菌；污染水源或有大腸桿菌，故此可以以直接接觸，或經過空氣、水或食物等媒介傳播。致病細菌可引致食物中毒、破傷風等。
而病毒一離開「宿主」，就會慢慢失去傳染能力，故此主要以體液或叮咬等直接傳播。流感、伊波拉及近期嘅新型病毒肺炎都係由病毒引致架。
若果下次有人話近排啲「肺炎菌」好犀利，記得要糾正佢：冠狀病毒係病毒唔係菌呀！
創新科學中心
https://ccst.hkfyg.org.hk/
創意科藝工程計劃
https://lead.hkfyg.org.hk/
