「人最大嘅煩惱，就係記性太好…」咪住咪住，今次唔係同大家講解電影對白呀！原來我地嘅免疫系統分分鐘記性好過你，記憶免疫細胞仲可以幫我地快速消滅曾經見過嘅病原體架！
當病原體首次入侵人體時，因為人體未接觸過該病原體，免疫反應會較弱而且較慢，相對病情普遍亦會更嚴重，但免疫系統都會同時產生記憶細胞，記住呢種病原體。依個反應稱為「初級免疫」(primary immune response)。當下次再有同樣嘅病原體入侵時，免疫系統就會產生「次級免疫」(secondary immune response)，記憶免疫細胞會令免疫反應較強同埋較快速，因此病情亦會較輕，甚至對該病原體免疫 (immune)，即係喺有病徵之前已經將佢消滅。
除左因染病而獲得先天免疫之外，疫苗都係運用相似概念，注射類病原體到人體內來引發初級免疫，從而對該病原免疫。部份疫苗接種後（常見如卡介苗）就可以得到長時間甚至終身免疫，而有部份疫苗（如流感疫苗）則因為病毒株變種而需要定期補種。雖然依加仲未有新型冠狀病毒嘅疫苗，不過如果有嘅話，我希望免疫限期係，一萬年！
創新科學中心
https://ccst.hkfyg.org.hk/
創意科藝工程計劃
https://lead.hkfyg.org.hk/
