疫情不似預期🎤相信大家都好掛住可以隨意搭飛機去旅行嘅日子，唔知大家有無發現飛機嘅小秘密呢？🛎️
喺航空業🛫啱啱興起嘅初期，飛機嘅窗戶並唔係圓弧形，而係矩形嘅。但隨住航空業嘅科技發展得越嚟越成熟，飛機亦越飛越高。為咗避免低層大氣嘅氣流顛簸💺、減低阻力及減少燃油⛽消耗，機艙一定要密封加壓，喺呢個情況下，矩形嘅窗戶就開始出現問題。
1954年嘅時候，一架由羅馬起飛嘅客機起飛20分鐘就解體墮進地中海🛬，飛機上嘅35人全部喪生，呢次事故嘅主因係因為集中喺窗戶角嘅壓力過大而造成裂痕，機艙入邊嘅壓力過大而解體。英國皇家飛機研究院喺一次測試中發現🔍，高達70%嘅機艙內壓力都集中喺窗戶嘅尖角上。當飛機飛到一定高度時，由於內部與外部嘅壓力差，客機機身會輕微膨脹。問題係，矩形窗戶嘅角落唔單止幫唔到飛機適應呢種暫時性嘅膨脹，反而增加咗飛機所承受嘅壓力，所以飛機就會壓力太大而解體💥。
由於壓力會從物料表面通過，一旦受到障礙物嘅阻擋，例如矩形嘅窗戶，壓力就會改變方向並集中喺某一點，呢個現象叫做「應力集中」。圓弧形窗戶嘅四個角可以更有效分解壓力💨，減少裂縫或者斷裂嘅可能性，而且圓弧形更加堅固，抵抗變形嘅能力更強，以便氣壓可以順利穿過物料，平衡壓力。所以，圓弧形嘅窗戶迅速取代咗矩形嘅窗戶，成為飛機窗戶嘅新標準💡。
–
