根據非正式統計，踏入冬天後聽到屋企人👩🏻🦰講得最多嘅一句說話係「著多件衫啦！」。衫🧥，人人都會著，但係咪個個都識著呢！市面上有唔少保暖內衣聲稱有「吸濕發熱」功能，著完就天下無敵？當中係啲咩科學原理做到咁嘅效果呢？
其實，所有纖維🧶都可以「吸濕發熱」，只係大家嘅發熱程度及發熱量各有不同♨️。一般嚟講，纖維吸濕能力愈高，發熱能力愈強。所以保暖內衣箇中嘅科學原理係：纖維吸收由人體蒸發的濕氣，然後運用濕氣轉換成液體的過程中，所產生嘅「凝結熱」提升布料溫度，從而做到「發熱」嘅功能🔥。
正所謂「羊毛出自羊🐑身上」，熱能源自人體，而布料本身唔會好似暖爐電暖毯咁識「發熱」，必須依靠人體熱量先做到「發熱」效果。所以生產商為咗提升布料嘅發熱效果，會喺纖維表面加入親水嘅材質提高吸濕能力，從而提升發熱效能。除此之外「熱反射」都係另一種常見嘅保溫技術：喺布上面塗上金屬粉沫或者塗層，反射人體的輻射熱，從而減少體熱流失，達致保溫效用。
天氣寒冷❄️，都係著返件厚外套，戴帽、頸巾等覆蓋頭身體容易散熱嘅部位，減少熱量散失！或者飲返啲熱飲補充能量🍵，都大大幫助到我哋保暖架！
–
