仲有幾日就到冬至❄️！香港冬天最低平均溫度都只係攝氏10度左右，覺得凍仲可以留係室內取暖🏡；但係北極室外溫度低至攝氏零下30至40度！喺冰天雪地嘅環境底下☃️，有取之不盡嘅冰，北極土著—紐特人都會就地取材用冰建築「冰屋🧊」。喺冰屋一定凍冰冰？非也非也！
熱傳遞(heat transfer)嘅方法有三種：1. 對流(convention)🌬️、2. 傳導(conduction)🤝、3. 幅射(radiation)☢️，冰屋正正就係透過呢3️⃣種科學原理嚟達致防寒保暖嘅效果。
冰屋主要係由一塊塊長方體嘅「冰磚」，並用水作為「泥」拼砌而成一個密不透風嘅空間，隔絕冷空氣入到屋內，減少與室外空氣對流而帶走熱能。其次，冰磚當中有好多氣囊將空氣困住，係一個好好嘅熱絕緣體，換言之冰屋入面嘅熱量幾乎好難透過冰牆傳導到屋外。同時，冰都係一種反射性強的物料，喺冰屋內人體散失嘅熱能、油燈或蠟燭🕯️等都可以將熱以紅外線的形式在冰屋內反射。即使室外溫度低至攝氏零下40度🥶，冰屋內部都可以有接近攝氏15度 ！所以喺冰屋入面係唔會覺得凍，仲會覺得暖笠笠♨️！
–
