2020 最後一日亦都係2020最凍❄嘅一日！相信今朝大家都要鼓起好大嘅勇氣先可以離開溫暖嘅被竇🛌。如果人類都可以冬眠，咁就好啦…
點解熊🐻會冬眠？
其實唔單止熊會冬眠，某啲哺乳類動物🦔 （刺蝟、土撥鼠、蝙蝠等）或者鳥類🦅（蜂鳥、樓燕等）都會進行時間長短不一嘅冬眠。由於冬天缺乏食物，為咗渡過物種季節性嘅饑荒，呢啲動物會進入一種減少活動嘅狀態💤。喺呢種狀態下，佢地嘅生理功能轉變成即使缺乏食物、水同埋運動都能夠維持生命。
如果人類冬眠會有咩問題？
1. 骨質疏鬆
黑熊從巢穴中冬眠過後跟以往一樣強壯，因為黑熊喺冬眠期間有25%嘅骨質會循環利用♻️。相反，如果人類長期瞓起張床度，又唔食嘢補充鈣質，骨質就會慢慢流失，形成骨質疏鬆🦴。
2. 中風
冬眠嘅動物如北極地松鼠🦨，為咗減低能量消耗，佢哋會減慢自己嘅心跳至每分鐘一下。相反，如果人類心跳太慢，身體會從有氧代謝轉換成為無氧代謝。無氧代謝會造成乳酸堆積而殺死細胞，使器官受到損傷。此外，心跳太慢會令血輸出量下降，導致腦部血流不足而產生暈眩、意識模糊，嚴重者甚至中風或者昏迷添⚠️！
不過，科學家喺2020年發現「睡眠開關」，並努力研究「人工冬眠」，有機會廣泛應用喺醫學🧑🏻⚕️以爭取治療時間，或者超長時間嘅交通運輸例如太空旅行👩🏻🚀。話唔定喺不久嘅將來人類真係能夠成功冬眠，唔駛離開溫暖嘅床舖🛌啦！
–
