唔少食物如甜品🍮、刺身🍣等等，都會加入金箔 作為裝飾，令到食物顯得特別高級✨。但其實金箔又係咩嚟？食咗落肚又會唔會有事呢？
其實，可食用嘅金箔主要以高純度嘅金條作為主要原料，經過化滌、錘打、打箔等等十幾個複雜嘅加工工序以成🏭，令到金變成極薄嘅金片，一般食用級嘅金箔厚度都不足0.0001毫米。
金嘅化學性質係好穩定嘅，人體係唔能夠消化及吸收，加上每次食用嘅份量都極小，所以人體食用後24小時內就會排出身體外。所以，雖然進食金箔唔稱得上係對身體有益，但適量嘅進食係安全無害嘅🙅🏻♂️，所以歐盟亦容許黃金作為食物添加劑。
另外，食用金箔嘅純度亦都十分重要，純度必須在90%以上，因為金嘅純度越低，摻雜其他金屬成份就越多，咁就有機會唔適合人類食用啦⚠️
–
