你同我都有一條好有用嘅「尾」！
講緊嘅係我地嘅「闌尾」，即係盲腸嘅延伸，所以闌尾同盲腸其實係兩個唔同嘅部分；而我地通常叫嘅盲腸炎💥，正確啲嚟講應該叫做闌尾炎先啱！
好多人會認為闌尾係無功能嘅，所以闌尾發炎嘅話，都覺得切咗佢之後唔會影響人體正常運作🔪。
但係有研究顯示有闌尾嘅人患上困難梭菌性腸炎🦠嘅機會率比無闌尾嘅人低4倍；而且闌尾附近有唔少淋巴組織，可以刺激腸內益菌嘅成長，保持腸道健康✨。
闌尾本身亦都係一個益菌儲存庫，如果腸道不適或者食完抗生素之後令腸道內益菌減少⬇，闌尾入面嘅益菌就會慢慢移動出嚟令腸內環境回復原狀。
闌尾一直默默守護住我地嘅腸道，保持吸收營養嘅效率，所以大家唔好再話佢無用喇🥺！
–
