「喺你前面有兩塊玻璃地板，一塊係普通玻璃，一塊係 #強化玻璃，你會點揀？」
唔知大家有冇睇過一啲影片有人喺塊玻璃上面行路🚶♂️，好似好危險咁，原來佢哋都係企喺強化玻璃上面，所以唔會破裂。咁究竟強化玻璃同普通玻璃有啲咩分別呢？
強化玻璃通常係普通玻璃經過強化處理（tempering）後嘅產品，玻璃將會放喺火爐中加熱🔥令到玻璃變軟，然後以非常快嘅時間冷卻，表面快速硬化收縮，但玻璃內部仍然未完全硬化，呢個時候玻璃表面及內部就產生額外嘅應力，從而變得堅硬；強化玻璃嘅抗壓能力比普通玻璃強4到5倍，能承受嘅重量因此而增加。
大家最關心嘅問題可能係，究竟我哋可唔可以分辨到塊玻璃係普通玻璃定係強化玻璃呢❓單憑用眼👀事實上係好難去分辨，我哋需要借助額外嘅工具或條件去觀察。原來喺進行強化處理之後玻璃表面嘅結晶結構會有所改變，由一大片結晶變成一塊塊細小嘅結晶，光進入去呢啲細小結晶群時產生雙折射現象（bi-refringent effect），當使用偏振濾鏡或者特定嘅角度下詭就會產生一啲特別嘅排列圖案（Strain pattern），不過角度唔啱或者沒有光源🔦都無辦法睇到。
喺陽光普照☀️嘅時候，大家不妨望一望大廈🏢嘅玻璃幕牆睇下見唔見到一啲條紋圖案啦❗
–
