近日野豬問題🐗🐗喺香港掀起咗好大嘅迴響🎙所以小編今日就想帶大家從生態學嘅角度探討下野豬對香港生態系統嘅重要性🔆🔆
野豬係雜食性動物🐗佢哋覓食嘅方法通常係利用個鼻👃🏻去翻土，搵地上嘅植物果實🍎或者泥土下嘅根部同球莖🥔🍠以至小昆蟲🐞做食物。而佢哋翻土覓食嘅習性對生態系統係有著關鍵作用。
1️⃣ 野豬食咗啲果實之後，會將消化唔到嘅種子排出，並帶到另一個地方播種🌱；
2️⃣ 野豬翻土啃食植物亦有助新生長嘅植物有足夠空間成長🌳達致物種替換；
3️⃣ 野豬翻土亦會令到泥土變得鬆軟，當遇上落大雨🌧嘅時候，鬆軟嘅泥土就會好似海綿🧽咁吸收過量雨水💦減少山洪暴發嘅機會❌🌊
雖然早前都有研究指出，野豬過量翻土嘅行為會釋放泥土內嘅二氧化碳，加劇溫室效應🥵但前提係野豬有冇因為一啲額外因素，例如人類投餵而過度繁殖，破壞生態平衡‼️從而產生過量翻土問題🪨
其實好多近郊地方本來都係野生動物嘅屋企🏠只係城市發展令動物嘅棲息地減少😣同時人類嘅投餵亦令佢哋為咗搵食而誤闖市區。所以如果想保護野豬同埋其他野生動物（例如馬騮或者牛），切記唔好餵佢哋食嘢‼️喺市區或者郊區見到佢哋亦唔好主動上前接觸，保持適當距離‼️咁樣就已經可以最低限度讓人類同自然界和平共存💚
