得閒無嘢做嘅時候緊係上社交平台睇下我哋有無出新post啦係咪先？📱之後順便睇下啲明星最新動向，有無留意有啲明星頭像轉成32×32像素卡通人物呢🐵，原來呢啲公仔係限量而且係有價有市嘅NFT🤑。
NFT（non-fungible token，非同質化代幣）係一種應用區塊鏈技術⛓嘅電子代幣💰，同大家成日聽講嘅加密貨幣，例如Bitcoin，既相似又不同。
每個代幣其實代表住一個檔案，可能係圖片🌆、影片🎬、音樂🎼，甚至只係網上遊戲道具⚔️。但由於每個代幣所代表嘅價值，即係檔案嘅價值各有不同，所以稱之為非同質化代幣；相對而言，每個加密貨幣嘅價值就相等，好似每張100蚊紙都同樣值100蚊一樣。
買到該個NFT嘅人，就代表佢喺區塊鏈嘅名冊上「擁有」該檔案，就如同話畀整個網絡聽，個檔案係屬於佢「擁有」嘅！但其實只係得個紀錄📜，任何人都可以繼續複製同儲存個檔案📤 📥。不過因為NFT嘅出現，其他人就算成功下載到個檔案都唔再代表「擁有」個檔案喇。
由於NFT使用咗區塊鏈技術，令名冊無法被輕易篡改，所以擁有該NFT就係擁有該檔案嘅最有力證明✅。因此，NFT最初成為藝術品拍賣行嘅新興商品。及後，又因為「元宇宙」興起，有更多公司推出NFT商品，成為近期熱話。
至於點解NFT產品可以賣到幾十、幾百萬咁貴？📈
舉個例子：某歌手以NFT形式出售全球限量10,000張、張張唔同款嘅「卡通頭像」，雖然任何人都可以複製下載，但只要買到個NFT，就可以成為網絡上唯一嘅正式擁有者，你會唔會俾錢去買？答案就見仁見智喇🤔
#STEM
#Science
#Technology
#Engineering
#Mathematics
