「師傅」？「苦思」？

#虎視STEMSTEM

等等，唔係「師傅」亦唔係「苦思」，係「獅虎」同「虎獅」。

佢哋分別係獅子🦁同老虎🐯雜交嘅後代，如果「🦁♂️×🐯♀️」就係「獅虎」;如果「🐯♂️×🦁♀️」就係「虎獅」。

因為🦁同🐯都係「貓科豹屬」，染色體數目相同，所以能夠雜交出後代。獅虎同虎獅都會同時帶有父母嘅特徵，例如雄獅嘅鬃毛，老虎嘅花紋等等。

獅虎特別在於體型可以非常巨大，成年體重可以達到500kg，比一般成年🦁♂️或🐯♂️平均最重只有250kg巨型好多。原因係🦁♂️同🐯♀️都唔會遺傳控制體型嘅基因🧬俾後代，所以獅虎由出世開始就幾乎唔會停止成長📈！

不過雜交後代嘅🧬會帶有缺憾(體型過大就係其中一種)，不單止夭折率高，壽命亦都相對比父母短，而且基本上不育，只有♀️有機會能夠生育。

另一方面，父母雙方因為生活環境唔同(獅子🦁住草原，老虎🐯住叢林)，所以野生條件下根本冇機會同場。綜合以上原因，獅虎同虎獅從未有喺野外被發現嘅正式紀錄。

現存嘅獅虎同虎獅數目只有10-20隻，全部都係人工圈養而生，即係刻意將🦁、🐯從小混養，先有機會雜交出後代。

想親眼睇活生生嘅獅虎或者虎獅？最近要去到深圳野生動物園先有喇。