我哋對喪屍🧟♂️嘅印象基本上都係嚟自電影或者劇集🎥而電影所描述嘅喪屍通常有幾個特徵：例如係受病毒感染🦠、具有攻擊性😡、失去自我意識😵💫等等。對我哋嚟講喪屍可能都只係一個虛構嘅形象，但其實喺動物世界裏面，原來都出現過類似喪屍嘅案例😮😮
喺2018年，好多美國嘅媒體都用「喪屍鹿症🦌」去形容喺北美洲發生嘅一種傳染病🦠當時有種傳染病叫「慢性消耗症」喺北美洲嘅鹿科動物族群爆發💥受感染嘅鹿會不停流口水、木無表情、四肢唔協調，甚至變得唔怕人同具攻擊性😡因此呢個病亦都有「瘋鹿症」嘅稱號。不過令「喪屍鹿」出現嘅並唔係好似電影咁講由病毒引起❌而係同「瘋牛症」一樣由朊毒體(prion)，即係一啲會致病嘅蛋白質所引起。朊毒體🦠主要會攻擊受感染者腦部嘅神經細胞，令腦部「穿窿」變成海綿狀，令動物出現一啲好似喪屍嘅反常狀態😵
除咗「喪屍鹿」，其實美國喺同年都曾經出現過「喪屍浣熊🦝」。當時有一位市民通報話日頭嗰陣喺自己屋企附近發現有一隻形跡可疑嘅浣熊🤔🦝唔單止喺佢屋企附近徘徊，仲不時同佢對望👀當事主想趕走隻浣熊嗰陣，佢仲好有敵意咁咧嘴露出尖牙👹呢個情況出現喺浣熊身上非常唔尋常，因為浣熊本身係夜行動物🌒而且比較細膽同怕人。而今次令浣熊「喪屍化」嘅唔係朊毒體，而係本來引起狗隻「犬瘟熱」嘅RNA病毒🧬受感染動物會出現類似「瘋狗症」嘅症狀🤒
雖然現時呢啲令動物「喪屍化」嘅病原體暫時都唔會感染人類，但經過呢一年疫情大家都知道病毒好容易透過基因突變改變特性😣將來會唔會感染人類都係未知之數。而早喺2011年「美國疾病管制與預防中心」都發表過一篇「喪屍末日準備101」，教導群眾假如喪屍疫情爆發應該點樣應對，雖然看似荒謬，但相信都可以提高我哋對疫情爆發嘅危機意識‼️大家有興趣都可以上網搜尋嗰一篇有關喪屍嘅文章🧟最後希望大家喺疫情期間stay strong💪🏻💪🏻
#STEM
#Science
#Technology
#Engineering
#Mathematics
