溜冰要著啱鞋

啱啱完左冬奧🏂🏻，唔知大家有無睇呢？眾多項目中，大眾都中意睇藝術成分高嘅花式溜冰⛸。唔知你會唔會覺得溜冰好神奇，靠腳下刀片可以喺冰上自如地溜走💃。除咗花式溜冰，仲有其他溜冰項目，包括冰上曲棍球🏒同速度滑冰。每個項目對溜冰鞋嘅要求都唔同，今次同大家研究下。

溜冰同改變壓力有關，刀片其實有凹槽位🕳，外面凸出部分會插落冰面，刀片同冰嘅接觸面細，加上整個人嘅體重，對冰面造成壓力會大上加大，壓力大會令水嘅冰點下降，低於零度先會結冰❄️，所以會令刀片四周形成水膜減低刀片同冰嘅磨擦力而順利滑行，溜過後，冰面壓力回復同之前一樣令水膜結冰🧊。

所以三項溜冰項目嘅溜冰鞋凹槽弧度要求都唔同🙆‍♂️，花式溜冰運動員要展現唔同姿體動作需要多啲爪地力，凹槽弧度比較大；冰上曲棍球需要運動員做到控球、追球、急停，凹槽弧度低啲；最後速度滑冰追求高速，刀底係完全平身，而且整塊刀片比較長，鞋踭同刀片可以分開，整個設計令刀片接觸冰面時間更長有助加速。

溜冰其實仲涉及其他物理知識令玩家喺冰上做到好多唔同動作，或者你學好啲物理就可以好快學識溜冰㗎🤓。