香港會唔會發生大地震❓
🤔唔知大家小學嘅時候有無聽老師講過香港係唔會發生地震，但點解琴晚會感覺到持續幾秒嘅震動呢？
💬要解答呢個問題，先要了解地震成因。🌍世界上大部分嘅強烈地震都發生喺地殼板塊邊緣，其中著名嘅環太平洋地震帶係位於歐亞以及太平洋板塊嘅邊界，貫穿日本、台灣以及菲律賓。香港係位於歐亞板塊之內，而非板塊邊緣，距離呢條活躍地震帶好遠，所以發生大地震嘅機會係好微嘅。
💭咁點解今次我地會感覺到地震呢？其實係因為琴晚2時29分中國東南部近岸發生咗一次強度屬於黎克特制4.1級嘅地震，雖然震央距離香港大約92公里，但我哋都會感覺到輕微震動。📈根據初步分析，香港嘅地震烈度為修訂麥加利地震烈度第四級。而呢一次亦唔係首次有香港市民感到地震，香港天文台自1979年來，曾錄得85次有感地震。
地震可以用震級及烈度去形容。震級（Magnitude）所指嘅係地震發出嘅能量，現時國際所使用嘅震級——黎克特制（Richter Scale），係由儀器量度嘅，每次嘅地震只有一個震級，而震級係無上限嘅，每一級震級之間所釋出嘅能量相差32倍。直到目前為止，最強烈嘅地震係發生喺1960年5月22日嘅智利🇨🇱大地震，震級高達9.5級。而烈度所指嘅係地面受地震影響嘅破壞程度，主要係同震央距離、震源深度以及地質結構有關，通常越近震央，烈度就越大。現時國際所時用嘅地震烈度為修定麥加利地震烈度（Modified Mercalli Scale）。由於烈度係由破壞程度以及市民報告所制定嘅，就算同一個地震但唔同地方量度，烈度都會之間唔同，但都係介乎於I至VII級。
今次香港嘅地震烈為第IV級。對番表，IV度即係室內外嘅人都會感覺到，同埋開始有飾物搖晃；去到V度先會令瞓緊嘅人嚇醒😱。所以，如果琴晚瞓到完全唔知有地震🛌，其實唔係因為太遲鈍，而係震度唔算強。
#STEM
#Science
#Technology
#Engineering
#Mathematics
