想當年，小編學生時期嗰陣有蜜蜂🐝飛入課室嘅時候，老師會熄燈等隻蜜蜂飛向較光嘅窗口位置離開✨。喺2021年，英國劍橋大學有位專門研究蜜蜂嘅研究生做咗個蜜蜂感光實驗都同開燈熄燈有關💡，如果突然熄燈，啲蜜蜂會立即墜落，開返燈又會起飛。嗯……蜜蜂好怕黑㗎咩😖？
咁又唔係嘅，原來蜜蜂都有分日行蜂(Diurnal bee) 🌞同夜行蜂(Nocturnal bee) 🌝，日行蜂嘅眼睛感受到光度有變化，行動方式亦會改變。蜜蜂有一對複眼，由非常多小眼 (Ommatidia)組成，每隻小眼睇到嘅影像經神經系統處理後會組成一幅現實影像🏞，蜜蜂複眼中間偏上位置仲有3隻單眼 (Ocelli)，作用係感光同偵測距離。喺日光底下，日行蜂視力當然無問題，好容易搵到花採蜜🌺，但入黑，佢哋視力無咁好，未能夠清楚探索環境，所以唔會選擇繼續在外覓食。同夜行蜂比較，夜行蜂複眼中嘅小眼比較多，單眼比較大，相對地視力較廣，喺黑夜中對光更敏感，有助喺光線非常不足嘅環境下覓食🌌。
明明大家都係蜜蜂，點解要分時段出撃？主因都係想少啲資源競爭💥，朝早嘅花俾日行蜂霸晒，夜行蜂就可以去搵遇上月光先會開嘅花，自己獨享晚上嘅花田💐。
但係點解片段中嘅蜜蜂會急速降落🪂，學者都未有一個確實解釋，其中一個推測係突如其來嘅黑暗令蜜蜂以為有捕獵者出現🕷，所以有咁嘅反應。如果你都好奇啲蜜蜂點樣「齊上齊落」，開呢個網頁睇下啦👉http://bitly.ws/rUVy
#STEM
#Science
#Technology
#Engineering
#Mathematics
