【新系列 科研深度遊✈】
（深呼吸）呢個世界真係美麗，疫情下無得外遊感受唔同地方嘅風土人情，我哋就用眼睛旅行睇得深入啲👀望下各地文化背後有咩STEM知識。
大家常見鰻魚菜式應該都係日式蒲燒鰻魚，圖中嘅美食應該比較少見，係以鰻魚入餞嘅西班牙大蒜炒鰻魚BB🧄，鰻魚BB成條白雪雪同大個嗰樣好唔同，但佢出世無耐個樣更令人意想不到……係透明身體魚苗，其中一個日式食法係活體刺身，唔係個個接受到😖
其實佢仲有其形態，同埋唔同時候喺唔同水域生活。首先鰻魚喺海由卵孵化成柳葉鰻（Leptocephalus），透明片狀身軀🍃，體內有大量啫喱狀物質同極細少嘅器官，可以生長到約6厘米。
柳葉鰻隨海水漂流會到接近陸地海域，之後會變成玻璃鰻（Glass eel），身體變成流線型，骨、肌肉等器官開始成形，游泳能力提高，開始游向河流生活🏞️。
玻璃鰻長大成鰻線（Elver），成長期間身體會出現色素，最初見白色🤍，之後根據棲身環境身體顏色會變成黑色、黃綠色或者青藍色等，呢個時候已變成黃鰻（Yellow eel）。
到咗成長完成嘅銀鰻（Sliver eel）時期，鰻魚眼睛會變大、魚唇肥厚、魚鰭變黑、腹部呈銀灰色。消化系統退化唔再進食❌🍽，但生殖系統呢刻先會出現💞，最後游返去海洋繁殖就完成一生。
由此可見鰻魚係降河洄遊性（catadromous）物種↩，生活於淡水，繁殖於海洋，因為呢個特性令到科學家最初喺河流搵唔到鰻魚幼苗；亦因唔了解鰻魚生命週期去到海洋搵到柳葉鰻唔知佢長大就係鰻魚🤨。
食鰻魚文化歷史悠久，所以有鰻魚養殖場應付需求，但因為難以養護每個階段嘅鰻魚，為達到成本效益養殖場都係捉鰻線返嚟養。因為環境污染同過捕問題，野生鰻魚數量減少😵，所以科學家都發展緊完全養殖技術👨🔬，幫助商業化生產，希望鰻魚都可以可持續發展，令日本呢樣特色美食長做長有🥺🗾。
#STEM
#Science
#Technology
#Engineering
#Mathematics
